1,462 Total Nisadas Found





චතූ 2 months ago 1 5 5

Nisadas Image

ඉතින්...

කලෙක පටන්
මම හීන දුටුවෙමි...
ජීවිතය ගැන
අනාගතය ගැන
එකී නොකී බොහෝ දේ ගැන...

අහඹුවකින්
හමු වූ නුඹ
හීන අතර සිටි මා
කැදවාගෙන ආ දුර
මෙතෙකැයි කිව නොහැක...

දැන් මම
දෙලොවක් අතර
දෝලනය වෙමි...
කලෙක නුඹ ඉල්ලා
ළදරුවෙකු සේ හැඩූ මම
මෙකල අවිශ්වාසයෙන් පැකිළෙමි...

තීරණයක් ගත නොහැකිව
මා තුළ ම
මම ජීවිතය සොයමි...
ප්‍රේමයත් අනුකම්පාවත් අතර
අමුතු ම හැගීමක
මා සිරවී ඇතැයි
මට ම සිතේ...

හෙටක් ගැන සිහින දකින්නට
මගේ හදවත
පැකිළෙන වාර අනන්තය...
හුදෙක් සතුට උදෙසාම
මේ බැදීමේ එක් හුයක්
මා අල්ලාගෙන ඇතැයි
මට සිතේ...

නමුදු නුඹ අතහැර
ඉවත බලන්නට හෝ
මා අත්හැර යන්නට
නුඹට ඉඩ දෙන්නට හෝ
නොහැකි පුදුමාකාර
ආත්මාර්ථකාමී හැගීමකින්
මම අදට ද පීඩා විඳිමි...

ප්‍රේමය වනාහි
හේතුවක් නැතිවම
හදවතින් බැදීම දැයි
මා මගෙන් ම
අනේක වාරයක් විමසා ඇත්තෙමි...

හෙටක් නැති අදක් තුළ
හීන නොපෙනෙන දිගු නිද්‍රාවක
මා තව තවත් ගිලෙමි...
අවදි වී බලන කල
දකින ලෝකය
කදුළු කතාවක් නොවේවා යි
යළි යළිත් පතමි...

Deesha?(දීෂා)__??__ 2 months ago 1 5 8

Nisadas Image

______රුහිරු බිඳෙහි ප්‍රාණය_______

නැගුණු වෙඩිහඬ ඉරා පපුතුර
රුහිරු බිඳු සැම කැලතෙමින්....
කිරුළු ගලවා සෙනෙහෙ හැරදා
සටනක්ය මව්බිම නමින්....
නුඹෙ ලෙයට හිමි ගැබක් කුසතුල
රැකේවා නුඹ දූ නමින්.....
දහස් වර ඈ අයදින්න ඇති
හිමිව රැකලා දෙන ලෙසින්.....!

තියුණු රුදු සැත් නොමැති සටනක
ගිනි අවිය ගෙන අත දරන්....
සිනිඳු සුදුවන් පිනැති නුඹෙ රුව
රළුව යනතුරු එක ලෙසින්....
සිත සවිය ගෙන ගත විරිය ගෙන
ඉදිරි මඟකට පා තියන්....
සිංහ රජිඳුණි, නුඹ ඇදෙන්නැති
සතුරු බල සැම පරදමින්.....!

නොදුටු සතුරකු විසින් ඇවිලූ
ගින්න ඇවිලී පැතිරෙමින්.....
උදුර ගත්තද දිවිය නුඹගේ
රුහිරු දෙරණත වගුරමින්....
සිහිනෙකින්වත් නැවත ලංවී
තුරුළු වන්නට සෙනෙහසින්....
වඩිනු මැන නුඹ මගේ දිවියට
පියාණෙනි සක් දෙව් ලෙසින්......!!!

??????????????????????

මව්බිම වෙනුවෙන් දිවිපිදූ සියලුම රණවිරුවන්ට සහ එදා සිට අද දක්වා මව්බිම සුරකින සියලුම රණවිරුවන්ට උපහාරයක්ම වේවා!!!!

චතූ 2 months ago 1 7 7

Nisadas Image

සිතුවිලි කවිකම්

හැම මොහොතකම,
මහ ගොඩක් ආදරෙයි ලු...
මම නැතිව නම්
ඉන්නෙ ම නැහැලු...

ලෝකෙටම රහසින්
අපේ වෙන්නත් බැරිලු...
දෑත් බැඳ ආදරෙන්
කැන්දන් යන්න ඕනිලු...

නොලැබෙන හීනයක
පැටලෙන්න හිත බයයිලු...
මම ආයෙමත්
ප්‍රේම කරන්නෙ නැහැලු...

වසන්තය මියැදුනාම
මල් පොකුරු මැරෙයිලු...
ආයෙමත් වස්සානයක
හැම මලක් ම පිපෙයිලු...

ලොවැ ඇත්තේ
යාම් ඊම් විතරලු...
හමුවුණු සියල්ලන්
ආයෙමත් වෙන් වේවිලු...

නුඹ වෙනුවෙන් ම
හෙලූ කදුළු පොකුරු...
වැස්සක් තරම් ම
මහ ගොඩක් බරයිලු...

හිමිවීම වාගෙම
වෙන්වීම හුරුයිලු...
ආයෙමත් අහිමි වුණත්
දැන් කදුළු පුරුදුයිලු...

දහසක් දෙනා ඇවිත්
වෙන් කරන්න හදයිලු...
වෙන කෙනෙක් ළග හිත
නතර වෙන්නෙම නැහැලු...

නුඹ හැරෙන්නට කෙනෙක්
මටත් ඕනිම නැහැලු...
නුඹෙ මතක එක්ක
මට තනිවෙන්න හැකියිලු ..

හෙටක් ගැන නොහිතාම
බලා ඉන්නම් මා මිතුරු...
ජීවිතේ කියන්නෙම
නොකී කවියක් අපූරු...

මම,
චතූ
14/05/2021







Copyright © 2021 Nisadas | Powered by Arvin Apps